Endeleg BankID på nynorsk
Ida Håvik, leiar for Marked og Kommunikasjon i BankID BankAxept, er svært nøgd:
– Det var ei glede at BankID endeleg kom på nynorsk. Eg håpar alle er nøgde med omsetjinga og kjenner at innlogginga no vert nærare og meir hyggeleg for alle oss som elskar denne målforma vi er fødde inn i, seier ho i ei pressemelding.
I meldinga uttrykkar Margrete Kvarenes, avdelingsdirektør for språk og skule og offentlig forvaltning i Språkrådet, glede over nyheita. Også digitaliseringdirektoratet, som er ansvarlig for dei digitale fellesløysningane i det offentliege, tykkjer endringa er viktig.
– Vi i Digitaliseringsdirektoratet er glade for at BankID no oppfyller intensjonen i Språklova om at bokmål og nynorsk skal vere likeverdige og jamnstilte skriftspråk som skal kunne brukast i alle delar av samfunnet. Det er viktig at brukarane no kan velje det skriftspråket dei ønskjer i ei så viktig teneste som BankID, seier Nina Olsen Munthe, avdelingsleiar for fellesløysingar og ansvarleg for ID-porten.
For å feire at BankID er tilgjengeleg på nynorsk, vil heile Noreg få kodeorda på nynorsk i BankID-appen ei periode framover.