Sparebank1 Modum-konsernet melder om eit resultat før skatt på 160 millionar kroner for 2020, ned frå 184,5 millionar kroner i 2019. 

Eigenkapitalavkastning før skatt var på 11,4 prosent i 2020, ned frå 14,5 prosent i 2019. 

Resultat før skatt i fjerde kvartal var 40,4 millionar kroner, opp frå 26 millionar kroner same kvartal i 2019.  

Netto renteinntekter enda på 152 millionar kroner i 2020, ein reduksjon på 17 millionar kroner samanlikna med 2019.  

Utlånsvekst siste 12 månader var negativ med 0,3 prosent, mot ein vekst på 7,6 prosent i 2019. Innskotsveksten siste 12 månader auka med 12,2 prosent i 2020, samanlikna med 5,7 prosent året før. 

Konsernet hadde netto tap på utlån og garantiar på 11,1 millionar kroner i fjor, ein auke frå 6,8 millionar kroner i 2019. Tapskostnader er relatert til endring i individuelle nedskrivingar, netto konstaterte tap og endring i IFRS 9-avsetningane. Individuelle nedskrivingar har auka med 1,7 millionar kroner, medan IFRS 9-avsetningane er auka med 2 millionar kroner.  

Styret føreslår eit kontantutbytte for 2020 på 4 kroner per eigenkapitalbevis, noko som betyr eit samla utbytte på 10 millionar kroner. Av årsoverskotet på 101,5 millionar kroner er ytterlegare 10 millionar kroner avsett til gåver.